Sfera.az "Bloomberg”ə istinadən xəbər verir ki, bu məlumatın yayılmasından sonra Avropada gündəlik qaz qiymətləri 5,4% artıb.

Rusiyanın "Qazprom” enerji şirkətinin nümayəndəsi Sergey Kupriyanov qeyd edib ki, Ukraynanın "Sohranovka” qazpaylama məntəqəsindən Rusiya qazının alınmasını dayandıracağı ilə bağlı onlara məlumat verildiyini və bunun səbəbini anlaya bilmədiklərini söyləyib. Paytaxt Moskvada jurnalistlərə açıqlama verən Kupriyanov deyib ki, "Sohranovka” məntəqəsi Ukraynadan keçən Rusiya qazının 30 faizini qəbul edir.

Ukraynanın fors-major vəziyyətə görə Sohranovkadan Rusiya qazını bir daha almayacağı barədə məlumat verdiyini qeyd edən Kupriyanov, "Ukrayna Qaz Ötürmə Sistemi Operatoru mayın 11-dən etibarən qaz alışını dayandıracağı xəbərdarlığını edib.

"Ukrayna xəbərdarlıq edib ki, Rusiya qazı "Sohranovka” limanına çatdırmağa davam edərsə, sözügedən təbii qazın həcmi Rusiya qazının Avropaya gedən həcmindən çıxılacaq. "Sohranovka” üzərindən ötürülən təbii qazın həcmini digər hissələrə ötürmək texnoloji cəhətdən mümkün deyil”.