Ukrayna prezidenti üçüncü dəfə bunu etdi - Geo-siyasi və geo-iqtisadi xəritədə DƏYİŞİKLİK
11:08 / 29.03.2022
1982
"Rusiya-Ukrayna müharibəsi başladıqdan sonra üçüncü dəfədir ki, Ukrayna
Prezidenti humanitar dəstəyinə görə Azərbaycana təşəkkür edir. Dünən Ukrayna
Prezidenti Vladimir Zelenski Azərbaycan Prezidenti İlham Əliyevə zəng edib.
Telefon danışığı əsnasında tibbi ləvazimatlar daxil
olmaqla, Ukraynaya göstərilən humanitar yardıma görə İlham Əliyevə təşəkkürünü
bildirib”.
Sfera.az xəbər verir ki, bunu deputatVüqar Bayramov bildirib.
Millət vəkili deyib ki, Ukrayna Prezidenti öz
"Twitter" hesabında da paylaşım edərək humanitar dəstəyə görə Azərbaycan
dövlət başçısına öz təşəkkürünü bildirib:
"Azərbaycan regionda yeganə ölkələrdəndir
ki, savaş başladıqdan bəri Ukrayna Prezidenti 3 dəfə öz sosial media hesabında
paylaşım edərək təşəkkürünü bildirib. Bu Azərbaycanın çoxsahəli, müstəqil
xarici siyasətinin nəticəsi kimi xarakterizə olunur.
Vladimir Zelenski, həmçinin əkin üçün yanacaqla təmin etməyə hazır olduğuna görə də Azərbaycana təşəkkür edib. Ukrayna
regionda ərzaq təminatı baxımdan vacib ölkələrdən hesab olunur. Savaş dünya
bazarında ərzaq məhsullarının qiymətini növündən asılı olaraq 8-22 faiz
artırıb. Avropada inflyasiya səviyyəsi son 30 ildə ən yüksək səviyyədədir. Təbii
ki, Azərbaycan daxil olmaqla region ölkələri üçün də idxal inflyasiyası
qaçılmazdır. Azərbaycanın
Ukraynada əkin üçün yanacaq təminatı həyata keçirməyə hazır olması, həmçinin ərzaq
istehsalı baxımından da vacibdir. Ukraynada əkinin bərpa edilməsi və aparılması
sözügedən ölkənin yenidən region bazarına öz məhsullarını çıxarmasına imkan
yarada bilər.
Bütövlükdə, yeni düzən fonunda
regionun geo-siyasi və geo-iqtisadi xəritəsində dəyişikliklər olur. Bu isə Azərbaycanın
geo-siyasi mövqeyinin daha da güclənməsi ilə müşahidə edilməkdədir”.
Turan Rzayev
