Sfera.az xəbər verir ki, fevralda mənzil qiymətləri 96,4 faiz artıb. Bu, illik mənzil qiymət artımında yeni rekord hesab edilir. Yanvarda mənzil qiymətləri 77,36 faiz artmışdı.

Fevralda aylıq artım isə 13,5% təşkil edib.

Yeni tikililərdə bahalaşma sürəti daha yüksək olub. Belə ki, yeni tikilən mənzillərin dəyəri 102,2 faiz (2,02 dəfə) artıb. Təkrar mənzil bazarında qiymətlər isə 95,3 faiz (1,953 dəfə) yüksəlib.

Ən yüksək qiymət artımı İstanbulda qeydə alınıb. Mərkəzi Bankın məlumatına görə, İstanbulda mənzil qiymətlərində artım 106,3 faiz (2,063 dəfə) olub. İstanbulda yeni evlərin qiyməti 114,6 faiz (2,146 dəfə), təkrar satışa çıxarılan mənzillərin qiyməti 107,6 faiz (2,076 dəfə) artıb.

Fevralın sonunda İstanbulda kvadrat metrin qiyməti 13 min 836 TL (950 dollar) olub.