"Regional təhsil şöbələrinin işçilərinin qanunvericilik çərçivəsində yeni strukturda işlə təmini bizim gündəliyimizdədir. Əmək qanunvericiliyinə əsasən, təhsil şöbələrinin işçiləri yeni idarələrdə işlə təmin olunacaq. Təhsil şöbələri ləğv edilmir, struktur dəyişir. Narahatlığa əsas yoxdur. Əvvəlki sistem əlaqəli deyildi. Yeni idarələr imkan verəcək ki, təhsil fəaliyyəti vahid formada olsun. 

"Bizim istəyimiz ondan ibarətdir ki, vətəndaşın problemini həll edək. Problemlərin həlli ilə bağlı bir neçə istiqamət var. Sosial şəbəkələrə diqqət yetiririk, lakin bəzən problemlərdə konkret ünvan və şəxs göstərilmir. Problemin bizə çatdırılması üçün bir neçə üsul var. Qanunvericiliyə görə anonim şikayətlərə biz baxmırıq. Bəzən ola bilər ki, vətəndaş konfliktdən istifadə edib də şikayətçi ola bilər. Bu baxımdan portal.edu.az vasitəsilə bizə ünvanlanan müraciətlərə baxırıq, qanunvericiliyə uyğun cavab veririk. Problem cavablandırılmasa, biz sistemlə müəyyən edirik ki, problem hansı səbəblə həll olunmayıb".