Xəbər verdiyimiz kimi, 9 illik orta təhsil səviyyəsi üzrə buraxılış imtahanlarında Saatlı rayonu Sarıcalar kənd tam orta məktəbinin 21 şagirdi zəif nəticə göstərib.  Onların məktəbdən uzaqlaşdırılmaları ilə bağlı məlumat yayılıb. 

Sfera.az xəbər verir ki, Təhsil Nazirliyi mövzuya aydınlıq gətirib.

"Qeyd olunan məktəbin 9-cu sinif şagirdlərindən bir nəfər də olsun xaric edilməyib və yayılan məlumatlar yalan və əsassızdır" - deyə mənbə bildirib.

Xatırladaq ki, Azərbaycan Respublikası Təhsil Qanununun 19-cu Maddəsinin 14-cü bəndinə əsasən ümumi orta təhsil pilləsi (9 illik) icbari hesab olunur (apa).