Sfera.az bildirir ki, Çin firmalarından biri metalı bazar qiymətindən aşağı satmaq vədi ilə 3 türk şirkətini aldadıb. 

Türkiyənin Pekindəki Ticarət Məsləhət Ofisi tərəfindən Türkiyə İxracatçılar Məclisinə göndərilən xəbərdarlıq məktubunda metal qiymətlərinin artması səbəbindən bəzi türk şirkətlərinin aldadıldığı və zərər çəkdiyi bildirilib. Açıqlamada vurğulanıb ki, Çində bazar və ixrac qiymətləri dünya qiymətlərinə uyğundur, lakin son vaxtlar bir çox türk şirkətləri bazardan xeyli aşağı qiymət öhdəliyi ilə Çin şirkətlərinə nağd ödənişlər edib və ya iri miqyaslı avanslar verib.  Məlum olub ki, türk şirkətləri pul ödəsə də, məhsul ala bilməyib.

Əldə edilən məlumata görə, dələduzluğa məruz qalanların düşdüyü zərər milyon dollarla ifadə edilir. 

"Beijing Consultancy” fırıldaqçılıq hadisəsi ilə bağlı Çinin müvafiq Ticarət Palatasına hadisə barədə məlumat verib. Məlumata əsasən, 10-dan çox türk şirkəti Pekin Ticarət Məsləhət Ofisinə elektron məktub göndərərək çinlilərlə bağlı araşdırma aparılmasını istəyib. Rəsmi olaraq açıqlanmasa da, yaxın günlərdə Çin firması tərəfindən aldadılan türk şirkətlərinin sayının 10-u keçəcəyi bildirilib.