BP-nin dəstəyi ilə 5 məktəbdə yeni isitmə sistemi quraşdırıldı - VİDEO
22:35 / 09.03.2022
1759
Azərbaycan Respublikası Təhsil Nazirliyinin təşəbbüsü, Bp və tərəfdaşlarının dəstəyi ilə "Pellet məhsulları ilə Azərbaycanın orta məktəblərinin isidilməsi" layihəsi həyata keçirilir. Layihə Azərbaycan Könüllülər İctimai Birliyi tərəfindən icra edilir.
Sfera.az xəbər verir ki, pellet yanacağı ağac və taxta tullantılarının təkrar emalı nəticəsində əldə olunan ekoloji təmiz, təbiət dostu bir enerji mənbəyidir.
Sözügedən layihə çərçivəsində Azərbaycanın Tovuz və Ağstafa rayonunda seçilmiş 5 orta məktəbin, ümumilikdə 6 korpusunda pellet yanacağı ilə işləyən isitmə sistemi quraşdırılıb və bu qış mövsümündə məktəblərin isidilməsi təmin edilib.
Tovuz rayonunun Çobansığnaq, Sarıtala, Kirən kənd məktəblərində, Əlimərdanlı kənd məktəbinin köhnə və yeni korpusunda, eyni zamanda Ağstafa rayonu Köçəsgər kənd məktəblərinin sinif otaqlarında pellet yanacağı ilə çalışan xüsusi sobaların quraşdırılıb, hazırda məktəblərdə fasiləsiz olaraq yanacaq təminatı həyata keçirilib.
Bildirilib ki, bu pilot lahiyə bu ildən başlamağına baxmayaraq artıq effekt verməyə davam edir. Pellet yanacağı olduqca ekoloji baxımından təmiz və oduna nisbətində daha çox istilik tutumuna malikdir. Gələcəkdə daha çox məktəbdə istifadəsi nəzərdə tutulub.
