Ona görə boyunda ən kiçik problem onurğa və baş beyin üçün ciddi nəticələr verə bilər. Boyun həm də incə hissədir, ona görə onunla ehtiyatlı davranmaq lazımdır.

Xırçıltı 2 cür olur: ağrılı və ya ağrısız.

Ağrısız xırçıltı bu hallarda olur:

- Boynunu həddən artıq çox hərəkət etdirənlərdə, arıq insanlarda

- Kalsium mübadiləsi pozulmasında

- Boynun əzələ və bağ aparatına duz yığılmasında

- Döndərici və əyici əzələnin spazmı

- Döş qəfəsində əyilmə, skolioz, kifoz zamanı boyun fəqərələrinin qeyri-düzgün yerləşməsi

- Oynaqətrafı mayedə azot qabarcıqları və karbon oksid qazının çox yığılması

Başı sağa-sola əyəndə, boynu çevirəndə ağrılı xırçıltının səbəbləri:

- Daha mürəkkləb patologiyalardan xəbər verir: ostexondroz, fəqərə yırtığı, spondilyoz, boyun əzələlərinin, damarlarının müxtəlif xəstəlikləri

Ostexondroz zamanı boyun fəqərələri yeyilir, sıxılır, formasını dəyişir, amortizator rolunu itirir və sinirlər, damarlar sıxılır.  Bu zaman boyun xırçıldayan zaman ağrılı olur və ağrı qola verir. Xəstədə bağ ağrısı, ayaqlarda hissiyatsızlıq, keyimə, başgicəllənmə də olur.

Müalicə

İlk növbədə yuxarıdakı səbəblər araşdırılmalıdır. əgər xırçıktı müvəqqətidirsə, fizioloji haldırsa, heç bir müalicə tələb olunmur. Sadəcə xəstə boynuna düşən yükü azaltmalı, arada əzələləri rahatlatmalı, yüngül masaj, boyun hərəkətləri etməlidir.

Bu problemin müalicəsi ilə həkim vertebroloq, manual terapevt, nevroloq və fizioterapevt məşğul olur.  Siz iri klinikalarda bu həkimləri araşdırıb, müalicə də bilərsiz.

İlk növbədə nevroloqa müraciət edib rentgen və MRT olunur, nəticəyə görə müalicə və terapiya seçilir.

Eləcə də siz Şərq, Çin metodikası üzrə bel, onurğa, boyun möhkəmləndirilməsi gimnastik hərəkətlərini evdə edə bilərsiz. Bu hərəkətlər video və şəkillərlə youtube kanalında var.