İdarədən Sfera.az-a verilən məlumata görə, yekunlaşmaqda olan 2021-ci təqvim ili Bakı Şəhəri üzrə Təhsil İdarəsi (BŞTİ) üçün davamlı və keyfiyyətli tədrisin təmin edilməsi, təhsildə yeni çağırışlardan doğan tələblərin yerinə yetirilməsi istiqamətində görülən işlərlə yadda qalıb.

2021-ci il ümumilikdə Azərbaycan təhsili üçün pandemiya səbəbindən distant formada təşkil olunan tədrisdən ənənəvi sistemə qayıdış dövrü, Zəfər tarixinin Azərbaycan təhsilinə gətirdiyi yeni məzmunun tətbiqi, təhsil sistemində gedən modernləşmənin davam etdirilməsi, həmçinin ümumi təhsilin məqsədyönlü inkişafını nəzərdə tutan yeniliklər ili kimi səciyyələndirilə bilər.