"Düzdür, baş verən yanğın zamanı ciddi itkilər yaranıb. Lakin biz ölkənin yağ və yağ məhsullarına olan tələbatına, "AzərSun Holding”in istehsal potensialına və sıradan çıxmış məhsulların statistikasına nəzər yetirsək görərik ki, bu yanğına görə ajiotaj yaratmağa gərək yoxdur. Holdinqin ümumi kərə yağı bazarında payı 5-8 faiz təşkil edir. Azərbaycan bitki və kərə yağı baxımından idxaldan 80 faizdən çox  asılıdır. 

Hazırki vəziyyətdə biz iki məsələyə diqqət yetirməliyik. Birincisi, ölkədə ərzaq təhlükəsizliyində rol oynayan

hər bir müəssisənin stratejik səviyyəsi yüksəldilməli, idxal kanalarının təhlükəsizliyinin təmin olunmalı və idxalda süni problemlərin yaranma ehtimallarını qiymətləndirərək qabaqlayıcı tədbirlər görülməlidir. Yaranmış psixoloji basqı nəticəsində bazarlarda yağın qiymətini qaldırmağa süni cəhdlər olacaq”.

"Yağın qiymətinin təbii şəkildə artma ehtimalı var. Lakin kimlərinsə bu ehtimaldan istifadə edərək daha ciddi qiymət artımlarına cəhd etməsinin qarşısı alınmalıdır. Digər vacib məsələ isə 5-6 aylıq ehtiyat məsələsidir. Bəzi insanlar elə başa düşür ki, bu itkilər dövlətin itkisidir. Bu, belə deyil, itkilər müəssisəyə aiddir. Məsələn, Səngəçal terminalı ölkənin ən strateji obyektlərindəın biridir və ciddi mühafizə olunur. Bu gün ərzaq toplanan anbarlar da sözügedən terminal qədər əhəmiyyət daşımalıdır. Hazırda ərzaq təhlükəsizliyi üçün tədbirlər kompleks şəkildə aparıldığından bu məsələ də diqqətdə saxlanılmalıdır.Yəni obyektlərin kimin tabeliyində olmasından asılı olmayaraq, onlar ciddi qorunmaldır. Kimsə vəd verə bilməz ki, bu yanğın sonuncudur və bir daha təkrarlana bilməz”.