Sfera.az bildirir ki, ötən ilin mayında Mərkəzi Bankda 2,06 olan avro/manat kursu, bu gün 1,83 səviyyəsinə geriləyib.

Amma kommersiya banklarında avro daha aşağı qiymətə alınır. Dünən 1,85 olan alış qiyməti bu gün 1,8-ə düşüb.

Müqayisə göstərir ki, son bir ildə avro manata nisbətən 11 faizdən çox ucuzlaşıb. Bir il əvvəl 100 avronu 206 manata dəyişmək olurdusa, hazırda 100 avronun dəyəri 180 manatdır. 

Buradan göründüyü kimi, son bir ildə avro ilə yığım edənlər hər 100 avroda 26 manat, hər 10 min avroda 2600 manat zərər edib.

Avronun ucuzlaşması Dollar İndeksinin yüksəlməsi ilə əlaqədardır. Bir il əvvəl 90 olan indeks hazırda 101,9-dur.