ÜST-dən ümidverici PROQNOZ: “2022-ci ildə...”
14:20 / 16.12.2021
843
Ümumdünya Səhiyyə Təşkilatı pandemiya ilə bağlı ümidverici proqnoz verib.
Sfera.az bildirir ki, qurumun COVİD-19 texniki heyətinin rəhbəri Maria Van Kerxov 2022-ci ildə virusun bitmə ehtimalından söz açıb və bu istiqamətdə ümidli olduğunu deyib. COVİD-19 və yeni növ - "Omicron”la bağlı sualları cavablandıran ÜST rəsmisi "Üzümüzə gələn il pandemiyanın bitiş ili olacaq”, deyə bildirib. O həmçinin, yeni ştamın sürətlə yayıldığını vurğulayıb.
"Bu variant bəzi ölkələrdə "Delta”ya qarşı mübarizədə avantajlı ola bilər. Ümumiyyətlə, ştamın müxtəlif populyasiyalarda necə yayıldığını, ona qarşı fərqli immun sistemlərin necə formalaşdığını digər əvvəlki variantlarla müqayisə edərək ətraflı araşdırmalar aparılır. Biz pandemiyanın təsirini, ölüm və xəstəxanaya yerləşdirilmələrin sayını azaltmaq üçün daha çox imkanlara sahibik”, - deyə Maria Van Kerxov əlavə edib.
Xatırladaq ki, "Omicron” ştamına indiyə qədər dünyanın 77 ölkəsində rast gəlinib.
Günay Rəsulqızı
Sfera.az