O, Azərbaycanın Qarabağın statusu ilə bağlı təkliflərinin qəbuledilməz olduğunu deyib. 

Mövzu ilə bağlı Sfera.az-a danışan deputat Asim Mollazadə Qarabağda mövcud olan təxribatçı erməniləri sülhməramlıların da qoruya bilməyəcəyini deyib:

"Biz artıq qəbul etməliyik ki, onlar gündə on dəfə bir-birlərinə zidd açıqlamalar verib, oyunlar oynayırlar. Onlar bölünüb qrup şəklində müxtəlif fikirlərlə çıxş edirlər. Lakin ortada reallıq var – Azərbaycan onları sülhə məcbur edib. Burada söhbət təkcə 44 günlük müharibədən yox, ümumi siyasi reallıqlardan da gedir. Ermənistan respublikasının bir dövlət kimi mövcudluğu, xəritədə olmaqları onların sülh istiqamətində atacağı addımlarla bağlıdır. Əgər onlar sülhə doğru addım atacaqlarsa, o zaman özlərini qoruya biləcəklər. Ermənilər ərazi iddialarına son qoysalar, həm Türkiyə, həm də Azərbaycan ilə normal əlaqələr bərpa ediləcək. Əks halda onların səfalətdən başqa yolları qalmayacaq və sülhməramlılar da onlar üçün nə isə etməyəcək. Yekun müqaviləni gözləmək lazımdır”. 

Millət vəkili hərbi cinayətkarların beynəlxalq tribunala çağırılmalı olduğunu sözlərinə əlavə edib:

"Revanşistlərin arxasında erməni diasporunun faşist təfəkkürlü nümayəndələri dayanıb və onları yenidən müharibəyə, etiraz çıxışları etməyə təhrik edir. Koçaryan, Sarkisyanın törətdiyi cinayətlərlə bağlı müvafiq tribunal olmadığına görə onlar yenə də müharibə şüarları ilə meydandadırlar. Hərbi cinayətləri törətmiş həmin  klan mütləq şəkildə beynəlxalq tribunala cəlb olunmalıdır. Beləliklə, sülhə maneə yaratmaq istəyən qüvvələr ədalət məhkəməsində cavab verər və bölgədə sülh bərqərar ola bilər”.