Koronovirusdan sağalanlarda bu psixi problemlər yaranır – Həkim rəyləri
Sağlıq
12:30 / 06.12.2021
630
COVID-19 virusuna yoluxan və sağalan insanlarda psixi pozğunluqlar müşahidə edilib. Bu qənaət bir neçə həkimin müayinələrindən sonra formalaşıb.
Sfera.az REN TV-yə istinadən xəbər verir ki, xəstəlikdən sağalan insanlar kəskin və ya uzun sürən psixozla qarşılaşa bilər.
Serbiya Milli Tibbi Tədqiqat Psixiatriya və Narkologiya Mərkəzinin baş direktoru Zurab Kekelidzenin sözlərinə görə, xəstəlikdən sonra insanlarda əsəbilik və gərginlik yaranır.
"COVID-19 xəstələrinin çoxu sağalandan sonra deyir ki, onlarla hər şey yaxşıdır. Adi həyata daxil olanda isə müəyyən pozğunluqlar görünür. Məsələn, bəzi obyektlərin adlarını və ya hansı hərəkətləri etməli olduqlarını unudurlar", - deyə həkim bildirib.
Psixiatr Olqa Buxanovskaya qeyd edib ki, xəstələrdə şizofrenik psixoz və bipolyar affektiv pozğunluqlar da yarana bilər. O bunun sinir hüceyrələri də daxil olmaqla, hüceyrələrin uzun müddət oksigensiz qalması ilə əlaqədar olduğunu izah edib.
Rusiya Federal Neyrocərrahiyyə Mərkəzinin neyroreabilitasiya şöbəsinin müdiri Qalina İvanova isə hesab edir ki, xəstələrin böyük əksəriyyətinin koronavirusdan sonra psixoloji vəziyyətinin normallaşması üçün reabilitasiyaya ehtiyac var.
Vasif
Sfera.az