İki yaşlı uşaq ailəsini faciəli ölümdən xilas etdi - FOTOLAR
Maraqlı
17:40 / 05.02.2022
1822
ABŞ-ın Texas ştatında iki yaşlı uşaq ailəsini faciəli ölümdən xilas edib.
Sfera.az xəbər verir ki, Natan və Kayla Dal cütlüyü gecə 5 övladı ilə birlikdə yatarkən evlərində yanğın başlayıb. Lakin ər və arvad COVID-19 xəstəliyi zamanı qoxu hissini itirdikləri üçün yanıq iyini hiss etməyiblər.
Səhərə yaxın iki yaşlı Brendon valideynlərinin yataq otağına girib və ayağı ilə çarpayıya vuraraq anasını oyadıb, "isti” olduğunu deyib. Qadın dərhal çarpayıdan sıçrayıb, qapının ağzında alovu görüb və ərini oyadıb. Valideynlər dərhal uşaqları yanan evdən çıxarmağa başlayıblar.
Bütün ailə çöldə təhlükəsiz olanda yanğın siqnalı işə düşüb. Yanğın səbəbindən amerikalılar evlərini və iki avtomobilini itirsələr də, Brendon sayəsində bütün ailə üzvlərinin həyatını xilas ediblər.
(oxu.az)