Maraqlıdır, həqiqətən çox doza vaksin qəbul etmək insanı COVİD-19-dan tamamilə qoruyurmu?

Mövzu ilə bağlı Sfera.az-a danışan infeksionist Nicat Əzimli deyib ki, vaksinasiyanın məqsədi süni yolla xəstəliyə qarşı spesifik immunitet yaratmaqdır:

"2-ci dozadan sonra vurulan dozaların isə sayca əhəmiyyəti yoxdur. Çünki bunlar hamısı buster doza hesab olunur. Əgər iki sağlam şəxs, biri 1 ay öncə 4-cü doza, digəri isə 8-ci doza buster vaksin vurdurubsa, onların immuniteti arasında əhəmiyyətli dərəcədə fərq olmayacaq”.

Müsahibimizin sözlərinə görə, burada əsas məqam ondan ibarətdir ki, sonuncu dozadan 6 aydan artıq müddət keçdikdə immunitet zəifləyir.