Bu ölkədə orta ömür uzunluğu COVID-19 səbəbilə 2 il azalıb
16:55 / 23.12.2021
629
ABŞ-ın Xəstəliklərə Nəzarət və Qarşısının Alınması Mərkəzlərinin (CDC) statistikasına əsasən, 2019-cu illə müqayisədə 2020-ci ildə gözlənilən ömür uzunluğu 1,8 il azalıb.
Sfera.az xəbər verir ki, bu, son 75 ildə ən böyük illik azalma hesab olunur.
Kişilər üçün orta ömür uzunluğu 2,1 il azalaraq 74,2 yaşa, qadınlarda isə 1,5 il azalaraq 79,9 yaşa düşüb.
COVID-19 epidemiyasının ölkədə infarkt və xərçəngdən sonra ən böyük ölüm səbəbi olduğuna diqqət çəkilən açıqlamada ümumi əhali arasında ölüm nisbətlərinin ötən il 16,8% artdığı qeyd olunub.
ABŞ-da COVID-19 məlumatlarını tərtib edən Con Hopkins Universitetinin qeydlərinə əsasən, ölkədə yoluxma sayı 51 milyonu, ölənlərin sayı isə 810 mini keçib.
Əzizə Zeynal
Sfera.az
