Astroloqlar boşanmaları da bürclərlə bağlayıb və hətta vaxtaşırı nikah pozanların ulduz falını hazırlayıblar:

Əksər insanlar Qoç bürcünün özünü çox vaxt əsl tiran kimi apardığı qənaətindədir. Təəssüf ki, bu, hardasa doğrudur - Qoçlar həyat yoldaşının hər addımını idarə edəcəklər. Bundan əlavə, Qoç bütün məsələlərdə öz haqlılığını inadla "təbliğ edir". 

Oxatanlar çox impulsivdirlər və azadlıqlarını hədsiz sevirlər. Çox vaxt münasibətlərdə də tələsik qərarlar verirlər. Bu səbəbdən, zaman keçdikcə Oxatanlar evlilikdən məyus olur və tərəfdaşa olan maraqlarını itirirlər. 

Müstəqillik və azadlıq Dolçaların həyatında əsas məqsəddir. Onlara təzyiq etməyə başlayan kimi bütün əlaqələri kəsirlər. Münasibətlərdə bu bürcün nümayəndələri özlərini çox spesifik şəkildə aparırlar - bəzən elə gəlir ki, onların öz uydurma dünyaları var.

Oğlaqlar işə çox dərindən qarışırlar. Onların həmdəmləri tez-tez diqqət çatışmazlığından əziyyət çəkir. Vəziyyət uzun müddət davam edərsə, boşanma qaçınılmazdır. 

Davamsızlıq və qərarsızlıq Əkizlərin və onların tərəfdaşlarının həyatını əhəmiyyətli dərəcədə korlayır. Yolda çətinliklər yaranan kimi bu bürcün nümayəndələri hər şeyi atıb rahat mühitə qayıdırlar. Münasibətləri xəbərdarlıq etmədən bir anda bitirməyə üstünlük verirlər.

Qeyd edək ki, 2021-ci ildə Azərbaycanda boşanmaların sayı əvvəlki statistikalara nəzərən xeyli dərəcədə artıb.

 

(bizim.media)