Sfer.az axşam.az-a istinadən xəbər verir ki, şairə proqramda şəxsi həyatından danışıb.

Cığatel İsaqızı həyat yoldaşının ona xəyanət etdiyini və şiddətə məruz qaldığını etiraf edib:

"Bir xəstəliyim var. Məni vur, öldür, xəyanət et, başıma yüz oyun aç, amma sözün düzünü danış. Düz danışan adam üçün ölümə gedərəm. Həyat yoldaşım da xasiyyətimə bələd idi, çünki əvvəldən demişdim ki, nəbadə aramızda belə bir şey olmasın. Xəyanəti bağışlaya bilirəm, ancaq yalanı yox. Xəyanətini özü mənə etiraf etdi. 

Ömrümdə bir dəfə idi, həyat yoldaşıma özümü yaxşıca döydürdüm. Elə gözəl döydü ki... Məni qəşəngcə sillələdi, sanki o qısqanclıqdan azad oldum. Vururdu, qarşısında durmuşdum, tərpənmirdim. Sonra dedim ki, əllərinə qurban olum. Nə gözəl etdin, təşəkkür edirəm. Elə bildi ki, dəli olmuşam, məni silkələdi. Dedim qorxma, dəli olmamışam. Yəqin ki, sevgidən azad oldum”.