Sfera.az xəbər verir ki, "Apolong” adı verilən avtobuslar ilk əvvəl Çin şəhərlərində istifadəyə veriləcək, daha sonra xarici ölkələrə ixracı nəzərdən keçiriləcək. "Baidu” "səəviyyə-4 avtonom avtobusları”nı istehsal edən azsaylı şirkətlərdən biridir. Bu cür avtobuslarda son dərəcə irəli texnologiyalı sürücülük sistemi mövcuddur.

"2018-ci il avtonom maşın sürücülüyünün ticarət əhəmiyyəti qazandığı ilk ildir. Keçmişdə Çin dünyaya ucuz mallar ixrac etdi. Gələcəkdə isə Çin dünyaya süni intellekt texnologiyası ixrac edəcək” – "Baidu” direktoru Robin Li belə deyib.  

"Apolong” avtobusları 14 sərnişin yerinə malikdir. Avtobusda sürücü oturacağı, sükan və pedallar yoxdur. Elektrik enerjisi ilə işləyir və iki saat ərzində şarj edildikdən sonra 100 km yol gedə bilir. Avtobus saatda 70 km sürət yığa bilir.

Avtobusun ilk olaraq Çinin Pekin Şenzen, Vuhan şəhərlərində istifadəsi nəzərdə tutulur. Yaponiya ilə bağlanan razılıq çərçivəsində avtobusun Tokioda da istifadəyə verilə biləcəyi deyilir.