“Öskürəndə itlərin və suitilərin səslərinə bənzər səslər çıxırsa…” – Uşaqlarda “Omikron”a yoluxmanın əlamətləri
14:57 / 09.02.2022
1594
"Omikron” ştamının digər mutasiyalara nisbətən
daha təhlükəsiz olduğu elmi cəhətdən sübut edilib. Xüsusilə vaksin olunan şəxslər
bu xəstəliyi yüngül keçirirlər.
Sfera.az xəbər verir ki, mütəxəssislərin rəyinə
görə, uşaqlar peyvənd olunmadığı üçün "Omikron”a yoluxa və xəstəliyi ağır keçirə
bilər.
Uşaq yoluxucu xəstəlikləri üzrə mütəxəssis
Andryu Pavia "Omikron”un uşaqlarda ağciyərlərdən daha çox yuxarı tənəffüs
yollarına hücum etdiyini deyib:
"Koronavirusa yoluxan və xəstəxanaya gələn
uşaqların əksəriyyəti xüsusi öskürəklə səhiyyə müəssisələrinə müraciət edir. Həkimlər
bildirirlər ki, bu xırıltılı öskürək zil səsə bənzəyir. Uşaqların burun keçidləri
kiçik olduğu üçün tıxanma daha tez-tez yaşanır. Belə xəstəliklərdə iltihablı tənəffüs
yolları qıcıqlanmaya səbəb olur, uşaqlar isə öskürək zamanı itlərin və ya suitilərin çıxardığı səslərə bənzər səslər çıxara bilirlər. "Omikron” əvvəlki variantlardan fərqli olaraq,
ağciyərlərin əvəzinə yuxarı tənəffüs yollarında yerləşdiyindən və orada
iltihaba səbəb olduğundan, uşaqlarda öskürək zaman keçdikcə pisləşə bilir,
düzgün nəfəs almaq üçün imkan olmur. Əgər övladınız evə boğaz ağrısı ilə gəlirsə,
baş ağrılarından şikayətlənirsə və ya nəfəs almaqda problemlər yaranırsa, bunun
səbəbi koronavirus ola bilər. Uşaqlarda "Omikron”u göstərən simptomlar xüsusilə təqib edilməli və
əmin olmaq üçün test verilməlidir”.