“Qapanma qərarı gözləniləndir, görsək ki...” – Deputat sərt karantinin anonsunu verdi
Sağlıq
15:00 / 27.01.2022
2138
Son bir
həftədə ölkə üzrə koronavirusa yoluxmada ciddi artım müşahidə edilir. Ötən gün
bu rəqəm 3000-dən artıq olaraq qeydə alındı.
Maraqlıdır,
yoluxma sayının ciddi şəkildə artmasının səbəbi nədir və bəzi şəxslər tərəfindən
karantin rejiminin sərtləşdirilməsi ilə bağlı fikirlərin səsləndirilməsi nə dərəcədə
reallığa uyğundur?
Məsələ
ilə bağlı Sfera.az-a danışan deputat Ceyhun Məmmədov son zamanlar insanların karantin qadağalarını lazımınca ciddiyə almadıqlarını düşünür:
"Son
vaxtlar koronavirusa yoluxmada ciddi artımın olduğunu biz də müşahidə edirik. Yoluxmada
artımın başlıca səbəbi vətəndaşların mövcud karantin qaydalarına riayət etməməsidir.
Azərbaycan dövləti artıq bir neçə ildir ki, koronavirusla mübarizədə ciddi tədbirlər
görür, addımlar atır. Odur ki, vətəndaşlardan mövcud qaydalara dəqiqliklə əməl etmələri tələb olunur”.
Deputat
qapanmaların ola biləcəyinə də diqqət çəkib:
"Əgər görsək
ki, koronavirus daha geniş şəkildə yayılır, o zaman karantin rejiminin sərtləşdirilməsi
ilə məsələyə baxıla və yeni qərarlar verilə bilər. Zərurət olsa, qapanma ilə
bağlı addımlar gözləniləndir. Dövlət də çalışır ki, vətəndaşın sağlamlığının
qorunması istiqamətində qərarlar qəbul etsin. Vətəndaşlarımız maksimum qaydada
sosial məsafəni gözləməli, karantin qaydalarına riayət etməlidir ki, qapanma tədbirləri
görülməsin”.
