Ötən gün müşahidə olunan ucuzlaşmadan sonra neftin qiyməti yenidən bahalaşmağa başlayıb. Sfera.az anspress-ə istinadən xəbər verir ki, hazırda dünya birjalarında "Brent" markalı neftin bir barelinin qiyməti ucuzlaşaraq 41.07 dollara qalxıb.

"WTI" markalı neftin qiymətində də bahalaşma qeydə alınıb. Ötən gün səhər 36.49 dollar olan "Texas" markalı neftin bir barelinin qiyməti hazırda 38.21 dollar müəyyən olunub. 

Həmçinin ötən gün "AzəriLayt" markalı neftin bir barrelinin qiyməti də 0,22 dollar bahalaşaraq 40,57 dollar təşkil edib.

Dünya bazarında 10.03.16 tarixində neftin qiyməti

Əlvan metalların qiymətində də ucuzlaşma müşahidə edilib. "Bloomberg"in məlumatına görə, qızılın 1 qramı bir qədər ucuzlaşaraq 40,28 dollar olub. Platinin 1 qramı 31.33 dollar, palladiumun 1 qramı isə 18.11 dollar olub. Gümüşün qiyməti cüzi düşüş ilə 1 qram üçün 0.49 dollar müəyyənləşib.

Dünya bazarında 10.03.16 tarixində əlvan metalların qiyməti

AMB-dən verilən məlumata görə, 09.03.2016-cı il tarixi üçün USD/AZN rəsmi məzənnəsi 1,6228 səviyyəsində müəyyən olunub. Avronun məzənnəsində bahalaşma qeydə alınıb. Avro 1.7807 manat, Rusiya rublu isə bahalaşaraq 0.0224 manat olub. Həmçinin 1 ingilis funt-sterlinqi bahalaşaraq 2.3017 AZN olub, 1 türk lirəsinin qiyməti isə 0.5562 AZN dəyərində müəyyənləşib.

Valyutanın məzənnəsi 

Azərbaycan Mərkəzi Bankından verilən məlumata görə, 10.03.2016-cı il tarixinə USD/AZN rəsmi məzənnəsi 1,6315 səviyyəsində müəyyən olunub.