Moskvada “Arşın mal alan”ın ilk versiyası göstərildi - FOTO
00:29 / 07.02.2016
2294
Rusiya paytaxtında "Arşın mal alan" filminin 70 illiyi münasibəti ilə təntənəli gecə keçirilib.
Sfera.az APA-ya istinadən bildirir ki, Ümumrusiya Azərbaycan Konqresinin təşkilatçılığı ilə keçirilən
tədbir Rusiya Kinematoqrafçılar İttifaqının Moskvadakı Kino Evində baş tutub. Gecədə Rusiya
Kinoşünaslar və Kino Tənqidçiləri Gildiyasının prezidenti Kirill Razloqov Rusiya və Azərbaycan kino
ustalarının əməkdaşlığından danışıb. O, dahi Üzeyir Hacıbəylinin ölməz əsəri əsasında çəkilmiş
"Arşın mal alan" filminin dünya kinosunda xüsusi yerinin olduğunu söyləyib.
Tədbirdə çıxış edən filologiya elmləri doktoru, professor Abuzər Bağırov iştirakçılara Üzeyir Hacıbəylinin
həyat və yaradıcılığı barədə ətraflı məlumat verib.
Daha sonra "Arşın mal alan" operettasının 1945-ci ildə görkəmli sənətçilər Rəşid Behbudov, Leyla Bədirbəyli, Lütfəli Abdullayev, Münəvvər Kələntərli və başqalarının iştirakı ilə çəkilmiş kino versiyası tamaşaçılara təqdim olunub.