Məşhur futbolçu həyat yoldaşına şiddət tətbiq etdi - Qandonduran FOTOLAR
İdman
14:27 / 05.02.2022
1389
Türkiyədə daha bir qadın şiddətin qurbanı olub.
Sfera.az bildirir ki, bu dəfə Fənərbaxça və Trabzonspor forması geyinən futbolçu Özer Hurmacının həyat yoldaşını döydüyü iddia olunub. Bu barədə Mihriban Hurmancı sosial media hesabından paylaşım edib. O, qanlar içində qalan üzünün fotosunu izləyiciləri ilə bölüşərək həyat yoldaşından şikayətçi olduğunu söyləyib.
"Hesabımdakı 500 lirə ilə ortada qaldım, amma önəmli deyil, səsimi eşitdirmək istəyirəm. Özer məni otağa sürüyərək əllərimə, üzümə zərbələr endirməyə başladı. Başımı şüşəyə vurdu, "səni öldürərəm” deyib təhdid etdi. Özümü güclə çölə atdım. Polisə gedib şikayət etdim”.
İdmançının həyat yoldaşı şiddətə səbəb olan hadisədən də söz açıb:
"İçimdə bir şübhə var idi, Özerin telefonunu aldım və qadınlarla mesajlarını gördüm. Bunun hesabını soruşmaq üçün yanına getdim, əsəbiləşdi və döyməyə başladı. Polisə gedəndən sonra, xəstəxanaya da üz tutub şiddət gördüyümlə bağlı sənəd aldım. Hazırda həyat yoldaşım nəzarətə alınıb. O adam uşaqlarımın atası olduğu üçün pisləmək istəmirəm. Amma xəyanətə göz yummayacam və boşanacam. Uşaqlarım məni qanlar içində gördü, koridorda və divarda da qan izlərim var”.
Türkan
Sfera.az