Nazir bununla həm də gənc nəslin həmin ərazilərə qayıdış prosesinin sürətlənəcəyini də sözlərinə əlavə edib.

"İşğaldan azad olunan ərazilərdə universitetlərin tikilməsi ilə bağlı bir sıra təkliflər var. Hətta Qarabağ Universiteti şəklində bir ideya da mövcuddur. Bu baxımdan düşmən tapdağından azad olunan ərazilərimizə nəzər yetirdikdə, biz Ağdam bölgəsində regionun ən böyük şəhərinin salınmasının şahidi olacağıq. İşğaldan azad olunan ərazilərdə milyonlarla insanın köçürülmə ehtimalı nəzərə alsaq, həmin bölgələrdə universitetlərin yaranması, elmin, tədrisin inkişaf etdirilməsi və ictimai mühitin formalaşması üçün mühümdür. Bu planların həyata keçirilməsi gənclərin müxtəlif layihələrdə iştirakı, həm də elmlə məşğul olan əhalinin işlə təmin olunması baxımdan uğurlu addım olacaq. Təbii ki, bunun üçün zaman lazımdır, qarşıda başqa hansısa problem yoxdur”.

 

 

Əzizə Zeynal