Sfera.az xəbər verir ki, Honq-Konqda çıxan "South China Morning" qəzetinin yazdığına görə, ""ZKZM-500” adlı silah 800 metr məsafədə insan dərisini anında yandıra bilir. Silahın hər kəsdən əvvəl terrorla mübarizə aparan təhlükəsizlik orqanlarına veriləcəyi gözlənilir. Silah prototip nümunələrindən sonra kütləvi istehsala keçiləcək. 3 kq ağırlığa, 15 mm-lik kalibrə malik silahın 155 min dollara satılması planlaşdırılır.

Silahı təhlil edən "Tech Crunch” saytında gedən yazıda silahda cib telefonlarında istifadə olunan "litium-ion" batareyalarından istifadə olunduğu, lazer silahının uzaq məsafədə insan dərisini hədəf alaraq bir anda yox etməsinin isə fizika qanunlarına zidd olduğu, bunun sadəcə təbliğat məqsədilə iddia edildiyi bildirilir. Yazıda böyük enerji mənbələri ilə işləyən çox müasir lazer sistemlərinin belə müəyyən edilmiş nöqtəyə uzun müddət ərzində istilik göndərə bilmədiyi qeyd olunur:

"Litium-ion batareyalarının 800 metr deyil, çox qısa məsafəyə belə istilik göndərməsi imkansızdır. Güllələrin əksinə olaraq lazer şüaları zəifləyərək hərəkət edir”.

"Next Big Future" saytı isə "Boeing” firmasının 2015-ci ildə 10 kilovatlıq sistem qurmaq üçün 295 kiloqramlıq sistemə ehtiyacı olduğunu qeyd edib. Əldə aparılan bu cihazın isə bu səviyyədə enerji gücü istehsal etməsi isə mümkün deyil.

Qeyd edək ki, lazer texnologiyasının silah istehsal etmək məqsədilə istifadəsi 1986-cı ildə Cenevrədə keçirilən Beynəlxalq Qırmızı xaç Komitəsi tərəfindən qadağan olunub.