“Formula-1” avadanlıqları Bakıya gətirildi

“Formula-1” avadanlıqları Bakıya gətirildi

 

"Formula-1” Avropa Qran-prisində komandaların istifadə edəcəyi avadanlıqdan ibarət 40 yük konteyneri artıq Bakıya gətirilib. "Formula-1” yarış avtomobilləri ilə yanaşı, digər avadanlığın iyunun 14-də Bakıya çatması planlaşdırılır.


Sfera.az AZƏRTAC-a istinadən xəbər verir ki, "Bakı Şəhər Halqası” Əməliyyat Şirkətinə istinadən məlumat verir ki, komandalar yarış məkanlarına öz avtomobillərini, avadanlıqlarını və şəxsi heyətlərini adətən quru, su və hava yollarının üçündən də istifadə etməklə gətirir. Bütün "Formula-1” komandalarının Azərbaycana Kanadadan gələcəyinə baxmayaraq, artıq "Mercedes”, "Ferrari”, "Force India”, "Red Bull Racing” və digər komandaların lazımi avadanlığının bir hissəsindən ibarət ilk yük konteynerləri Rusiyanın Soçi şəhərindən birbaşa Bakıya su nəqliyyatı ilə göndərilib. Bu konteynerlər elə dizayn olunub ki, minimal yer tutur və daxilində olan yükləri yüksək titrəmələrə və ya digər xarici təsirlərə qarşı qoruyur. Bu konteynerlərin bir başqa xüsusiyyəti də odur ki, onları 6-8 saat ərzində doldurmaq və boşaltmaq mümkündür.

 

Eyni zamanda, Monakodan birbaşa Bakıya göndərilən və Avropa Qran-prisinə dəstək məqsədilə keçiriləcək GP2 seriya yarışlarında iştirak edəcək 12 komandanın avtomobili və bütün lazımi avadanlığı artıq Paddok ərazisinə gəlib çatıb. GP2 seriyalı yarışda mübarizə aparacaq 22 pilot artıq Bakıdadır. Sürücülər avadanlığını onlar üçün ayrılmış müvafiq qarajlara yerləşdiriblər.

Ümumilikdə 44 qaraj tam hazır vəziyyətə gətirilib. Paddok ərazisində yerləşən tikililərə texniki avadanlığın quraşdırılması işləri də artıq sonuncu mərhələyə qədəm qoyub.


 
 

 


OXŞAR XƏBƏRLƏR

Müsəlman futbolçu LGBT dizaynlı forma ilə meydana çıxmaqdan imtina etdi - FOTO

Fransanın məşhur "PSG” (Paris Saint-Germain) futbol klubunun LGBT dizaynlı forması qalmaqala səbəb olub.     Sfera.az xəbər verir ki, klubun müsəl...

75 peşəkar görüşdə məğlub olmayan boksçu rinqdə ürəyinə uduzdu

Peşəkar döyüşlərdə 75 görüşdə məğlub olmayan, əslən Türkiyədən olan boksçu Musa Askan Yamak infarkt keçirib. Giresunun Alukra rayonundan doğulan və Almaniyada...

Əfsanəvi futbolçuların Azərbaycana gəliş SƏBƏBLƏRİ məlum oldu

İspaniya yığmasının və Madrid "Real”ının əfsanəvi futbolçuları - Raul Qonsaleslə İker Kasilyas gələn ay Azərbaycana səfər edəcək.   Bu barədə jurnalis...

“Neftçi”nin kapitanı “Qarabağ”la matçda oynamayacaq

"Neftçi"nin kapitanı Emin Mahmudov "Qarabağ"a qarşı Azərbaycan Premyer Liqasının XXVIII tur oyununu buraxacaq. Sfera.az xəbər verir ki, buna 30 yaşlı yarı...

“Zirə” - “Neftçi” oyununda İNSİDENT

"Zirə” və "Neftçi” komandaları arasında keçirilən Azərbaycan Premyer Liqasının XXVII tur oyununda insident yaşanıb.  Sfera.az xəbər verir ki, görüşün...

"Barselona"nın sabiq futbolçusu avtomobil qəzasında ÖLDÜ

"Barselona"nın sabiq futbolçusu Maksi Rolon avtomobil qəzasında vəfat edib. Sfera.az "Goal"a istinadən xəbər verir ki, 27 yaşlı forvardın idarə etdiy...