Xaricdə yaşayan vətəndaşlarımızın hüquqlarının qanunla qorunduğunu nəzərə alaraq, bu vəziyyətdə Azərbaycan dövləti tərəfindən atılmalı olan addımlardan danışan hərbi ekspert Üzeyir Cəfərli Sfera.az-a açıqlamasında bildirib ki, mövcud məsələ araşdırılmalıdır.

Hərbi ekspert vətəndaşımıza qarşı oyun oynanıla biləcəyini vurğulayıb:

"Bu gün Ukraynada ağır vəziyyət yaşanır, durum gərgindir. Lakin hər bir halda dövlət öz vətəndaşına sahib çıxmalıdır. Ola bilər ki, həmin əsir düşən vətəndaşımız üçün oyub qurulub. Yəni mümkün haldır ki, ona şər atılsın və məqsədli şəkildə saxlanılsın. Bu məsələ aidiyyatı orqanlar tərəfindən sübut olunmalıdır. Ukraynada konsulluq bu məsələnin üzərinə ciddi şəkildə düşməlidir. Əgər həmin şəxs ağır maddə ilə həbs olunubsa, düşünmürəm ki, tezliklə geri qaytarılması mümkün olsun. Ukraynada vəziyyət sabitləşdikdən sonra bu məsələ araşdırılmalıdır”.

Ü.Cəfərli əsir düşən soydaşımıza qarşı istənilən qərarın verilə biləcəyini də diqqətə çatdırıb:

"İndi Ukraynada hərbi vəziyyətdir və vətəndaşımızla bağlı istənilən qərar verilə bilər. Bu baxımdan səfir Elmira Axundova və orada olan rəsmilər müvafiq qurumlara müraciət etməlidir ki, tələskənliyə yol verilməsin. Müharibə qanunları ilə hər şey baş verə bilər. İndi Ukraynada müdafiəyə qalxmadan şəhəri təslim etmək vətənə xəyanət və həbslə nəticələnir. Bizim səfirlik vətəndaşlarımızla bağlı diqqətli olmalıdır. Təxliyə məsələsi çox gec baş verdi və indi bacardığımız qədər bu prosesi tezləşdirməliyik”.

Əzizə Zeynal