Sfera.az bildirir ki, araşdırmada dünyada yüksək inflyasiya və tədarük zəncirindəki problemlərin qiymət artımına səbəb olduğu qeyd edilib. "Economic Intelligence Unit”in məlumatına görə, bu problem Tel-Əviv, Paris, Sinqapur, Sürix və Honq-Konqda daha çox hiss olunub. 

Belə ki, Tel-Əviv (İsrail) ötən ildən fərqli olaraq, 5 pillə irəliləyərək Paris (Fransa) və Honq-konqu (Çin) geridə qoyub və bu il dünyanın yaşamaq üçün ən bahalı şəhərləri sırasında yer alıb. Bu isə ölkənin valyutası və ərzaq qiymətlərinin artımı ilə bağlı  olub. Paris Sinqapurla ikinci yeri bölüşüb, Sürix və Honq-Konq müvafiq olaraq, dördüncü və beşinci yerləri tutub. Pandemiya ilə mübarizəyə kifayət qədər pul ayıran ABŞ-ın əksər şəhərləri  isə reytinqdə geriləyib.

Hesabatda, həmçinin ən ucuz şəhərlərin, əsasən, Afrikada, Yaxın Şərqdə və Asiyanın bəzi bölgələrində olduğu əks olunub. Qeyd edilib ki, Dəməşq keçən ildən bəri, yaşamaq üçün ən ucuz yer olaraq qalır.