Dırnaqlar bizi ölümcül xəstəlikdən xəbərdar edir - Qaraciyər yağlanmasının ağrısız əlamətləri
12:05 / 16.11.2021
1031
Qaraciyər yağlanması insan həyatı üçün təhlükəli
dəyişikliklərdən biri hesab edilir. Bu dəyişiklik insanın ən mühüm orqanı olan
qaraciyərin öz funksiyasını yerinə yetirməsini çətinləşdirə, hətta tam
dayandıra bilər.
Qaraciyər yağlanmasının insanlar üçün
yaratdığı ən böyük risk onun öncədən müəyyənləşdirilməsinin çətin olmasıdır.
Amma həkimlər hesab edir ki, insanlar özündə müşahidə etdiyi bəzi dəyişikliklərə
diqqət yetirməklə yağlanmanı öncədən təsbit edə bilər.
Sfera.az Amerika Qaraciyər Vəqfinə istinadən
bildirir ki, erkən mərhələlərdə yağlanmanın heç bir simptomu olmasa da, bəzi dəyişikliklər
qaraciyər yağlanmasının xəbərçisidir. İlk növbədə əldə baş verən bir neçə dəyişiklik
qaraciyər yağlanmasının əlamətidir. Əl içinin ağarması və dırnaq yataqlarında
saralma qaraciyəri yağlanmasının xəbərçisi ola bilər.
Dərinin və göz ağlarının saralması, qarının
orta və ya yuxarı sağ hissəsində narahatlıq hissi də qaraciyər yağlanmasının göstəricidir. Tünd qara qatranlı nəcis və ya tünd sidik
ifraz edən şəxslər də təcili tibbi yardım axtarmalıdır. Digər ciddi simptomlar
qan qusması, göyərmə, dəri qaşınması və qarnın aşağı hissəsinin şişməsidir.
Mütəmadi spirtli içki qəbul edənlər də qaraciyər
yağlanması ilə rastlaşır. Bu halda ilk tədbir spirtli içkilərdən imtina etməkdir.
Əgər sizdə yağlı qaraciyər xəstəliyi varsa, alkoqoldan qaçınmaq zərəri aradan
qaldıra bilər.
Diabet, yüksək qan təzyiqi və böyrək xəstəliyi
kimi digər sağlamlıq problemləri varsa, bunlar da qaraciyər yağlanmasının xəbərçisi
hesab olunur.
Vasif