Bununla bağlı Sfera.az-a açıqlama verən politoloq Teymur Qasımlı Zelenskinin fikirlərində həqiqət olduğunu deyib:

"Rusiyanın xarici işlər naziri Sergey Lavrov da rus əsgərlərinin ərazilərdən çıxmayacağını, ancaq  şərtləri qəbul olunduqdan sonra bunun ola biləcəyini demişdi. Fikrimcə, bu müharibə hələ uzanacaq, Qərb və ABŞ da bunu istəyir. Müharibə nə zaman bitəcək? -  Vaşinqtonun maraqları təmin edilərsə, Ukrayna ərazisində son rus əsgəri Donbass və Luqanskın Ukrayna ərazi bütövlüyü çərçivəsində olarsa və ən önəmlisi Putin iqtidardan devrilə və ya gedərsə....”.

Müsahibimiz deyib ki, Donbass və Luqansk ətrafında ağır müharibə olacaq:

"Bu, Ukrayna-Rusiya müharibəsinin taleyini həll edəcək – ya sülh, ya da atəşkəs olacaq. Ancaq Rusiya bu müharibədə onsuz da məğlub olub, hazırda Mariupol ətrafında döyüşlər gedir. Düşünürəm ki,  Avropa da bundan sonra Ukraynanın istədiyi silahları və digər hərbi yardımları edəcək”.