Türkiyəli futbolçu Arda Turanın ofisianta etdiyi jest sosial mediada müzakirə obyektinə çevrilib.
 
Sfera.az bildirir ki, daim getdiyi restoranda çalışan ofisiantın istəyini reallaşdıran Ardanın bu addımının detalları bəlli olub. Belə ki, Bebekdə yerləşən restoranlardan birində işləyən gənc idmançıdan 4 milyon lirəlik "Audi RS6” markalı avtomobilini müvəqqəti olaraq istəyib.
 
Məlum olub ki, 14 fevralda sevgilisinə sürpriz hazırladığını deyən gənc əslində evlilik təklifi etmək fikrində imiş. Bunu öyrənən Arda gəncin gününün qüsursuz keçməsi üçün ona kömək etmək qərarına gəlib. Bununla yanaşı, məşhur futbolçu ofisiantın hazırlıq xərclərini də qarşılayıb. İddialara görə, Arda cütlüyün nikah şahidi də ola bilər.