Araşdırmalar qoxu hissi güclü olanlarla bağlı inanılmaz faktı üzə çıxardı: Onların cinsi həyatı...
15:57 / 10.02.2022
648
Qoxu hissi güclü olan insanların cinsi həyatının daha yaxşı olduğu anlaşılıb.
Sfera.az bildirir ki, bu barədə Stokholm Universiteti yeni araşdırma aparıb. Kəskin qoxu alma qabiliyyəti yaxın münasibətlərdə öhdəliyi gücləndirən, həmçinin rahatlıq verən faktor kimi müəyyən edilib. 4 il davam edən tədqiqatlar, özlərini yaxşı qoxu duyğusuna malik hesab edənlərin daha yaxşı cinsi həyat keçirməyə meylli olduğunu göstərib.
Universitetin professoru Anna Blomkvist araşdırma ilə bağlı bunları söyləyib:
"Qoxu cəlbedici olmağa inanılmaz formada təsir edir. Bu istiqamətdə çox araşdırma yox idi, ona görə də ediləcək işlər qalmışdı. Qoxu yaxın münasibətlərdə çox şey ifadə edir. Cinsi əlaqə yalnız eşitmə, görmə və toxunmadan ibarət deyil, bütöv bir qavrayış olaraq qoxu hissi ilə də təsirlənir. Qoxu hissi daha güclü olan insanlar münasibətdə daha çox iştirak edə və partnyorlarından daha çox işarələr ala bilərlər”.
Digər tərəfdən, tədqiqat qoxu duyğusunun bir insanın münasibətə sədaqətində də rol oynaya biləcəyini ortaya qoyub.
Türkan
Sfera.az