Sfera.az bildirir ki, təqdimatda 3-cü nəsil "AirPods"un su keçirmədiyi və 6 saat dinləməyə imkan verdiyi qeyd edilib. Cihazın ABŞ-da 179 dollardan başlayan qiymətlərlə satışa təqdim ediləcəyi bildirilib. Məlumata görə, "AirPods Pro" ilə oxşar görüntüyə sahib olan yeni "AirPods" 5 dəqiqəlik enerji ilə 1 saatlıq istifadə imkanına sahibdir. 

"MacBook Pro"nun isə, iki çeşiddə -14 və 16 düymlük ekranlarda mövcud olduğu deyilib. Cihazda "Touch Bar” yoxdur, bunun yerinə şirkət funksiya düymələrinə yer verib. 14 düymlük "MacBook Pro"da, həmçinin 8 nüvəli prosessorun 2,8 dəfə daha sürətli performans göstərdiyi bildirilib.