Sfera.az bildirir ki, "Nature” jurnalında dərc olunan araşdırmanı həyata keçirən elm adamları ölü bir insandan alınan gözün yenidən həyata qaytarıla biləcəyini sübut ediblər.

 

Alimlər tor qişadakı hüceyrələrin ölümdən 5 saat sonra belə işığa reaksiya verdiyini aşkarlayıblar. Ölən donordan alınan gözün canlı göz kimi fəaliyyət göstərdiyinə diqqət çəkən elm adamları, gələcəkdə beyinə də oxşar müdaxilə edilərsə, ölü bir şəxsin həyata qaytarıla biləcəyini irəli sürüblər: 

"Tor qişadakı bu neyronlar mərkəzi sinir sisteminin uzantısıdır. Bu sinir sisteminə beyin və onurğa beyni də daxildir. Ona görə də mərkəzi sinir sisteminin digər hüceyrələrini də sağaltmaq olar".

Alimlər, həmçinin donordan götürüldükdən dərhal sonra oksigen və digər qidaları gözə çatdıran xüsusi texnologiya hazırlayıblar. Yuta Universitetində araşdırma aparan professor Fatimə Abbas, "İnsan gözündəki fotoreseptor hüceyrələrini oyandıra bildik. Bu hüceyrələr mərkəzi görmə sistemindəki tor qişanın bir hissəsidir və insanların kəskin şəkildə görməsi və rəngləri ayırd etməsi üçün işləyir", - deyə bildirib.

Digər araşdırmaçı Frans Vinberq isə bunları deyib:

"Tor qişa hüceyrələrinin canlı bir göz kimi bir-biri ilə əlaqə saxlamasını təmin etdik. Bu, daha əvvəl gözdə əldə edilməmişdi və heç vaxt bu səviyyədə olmamışdı".

Qeyd edək ki, daha əvvəl Yale Universitetində də oxşar araşdırma aparılmışdı. 2019-cu ildə aparılan araşdırmada alimlər öldürülmüş 32 donuzun beynini yenidən aktivləşdirməyə nail olmuşdular.