Aİ-92 benzini ilə bağlı yenilik – Millət vəkili elan etdi
10:24 / 31.01.2022
1822
"Nazirlər Kabineti Azərbaycana idxal edilən Aİ-92
avtomobil benzinini gömrük rüsumundan azad edib. Dəyişikliyə əsasən, qeyd
olunan benzin növü üçün hər 1000 litr üçün gömrük rüsumu 15 %-dən 0 %-ə
endirilib”.
Sfera.az xəbər verir ki, bunu Milli Məclisin deputatı,
iqtisadçı Vüqar Bayramov deyib.
Onun sözlərinə görə, Aİ-92 markalı benzinin idxalı
zamanı aksiz vergi dərəcəsi bir ton üçün 200 manatdan 1 manata endirilib:
"Gələn aydan tətbiq ediləcək güzəştlər iyunun 1-dək
qüvvədə qalacaq. Azərbaycanda 92 (Aİ-92) oktanlı benzin idxalı müvəqqəti olaraq
gömrük rüsumlarından azad edilməsi bu növ benzinin qiymətinə təsir edə bilərmi?
Qeyd edək ki, Aİ 92 markalı benzinin qiyməti Tarif Şurası tərəfindən tənzimləndiyi
üçün bu qiymətə bazarın təsir imkanları məhduddur. Güzəştlərin çox qısamüddəti,
yalnız 4 ayı əhatə etməsi yerli benzin istehsalı həyata keçirən Heydər Əliyev
adına Bakı Neft Emalı Zavodunda təmir-yenidənqurma işlərinin aparılması ilə
bağlıdır. Belə ki, yerli istehsalın azalmasının təklifə təsir etməməsi üçün
növbəti 4 ayda idxalda güzəştlər tətbiq ediləcək. Bu zaman istehlakçılara
yalnız yerli deyil, eyni zamanda oxşar markalı idxal benzini də təklif ediləcək.
Turan Rzayev
