Sfera.az xarici KİV-ə istinadən xəbər verir ki, görüş əsnasında ABŞ Ukraynanın yardım istəyinə müsbət cavab verib. Səfərdən dərhal sonra Kiyevə yeni beynəlxalq hərbi yardım elan edilib. Müvafiq olaraq, 713 milyon dollarlıq hərbi yardımın 300 milyon dolları xarici silahların alınmasına, 165 milyon dolları isə sursat satışına xərclənəcək.

Zelenski ölkənin şərqində və cənubunda formalaşan yeni cəbhə xəttlərində istifadə etmək üçün daha ağır, daha təkmil və daha müasir silahlara ehtiyac duyduqlarını bildirib.

Qeyd edək ki, ABŞ fevralın 24-dən əvvəl Kiyevi tərk edən diplomatlarının bu həftə Ukraynanın paytaxtına qayıdacaqlarını bildirir. ABŞ prezidenti Co Bayden Kiyevə yeni səfir təyin edəcək. Amerika mediası sözügedən şəxsin təcrübəli diplomat Bridqet Brink olacağını yazıb.

Əzizə Zeynal

Sfera.az