Sfera.az bu dəfə 2022-ci il üçün önəmli astroloji tarixləri təqdim edir:

2022-ci il Venera retroqradının ortasında başlayır. Sevgi və pul planeti 19 dekabr 2021-ci ildə geriyə doğru hərəkətə başlayacaq və 29 yanvar 2022-ci ilə qədər Oğlaq bürcünə doğru irəliləyəcək. Venera Yerin əks istiqamətində hərəkət etdiyinə görə, bu planetin yavaşlaması hamımızı sevgi və pul məsələlərində çox düşünməyə vadar edə bilər. Bunun isə, 2022-ci ili yorğunluq, güvən və maliyyə problemləri ilə yükləmə ehtimalı var. Lakin Venera retroqradı zamanı hər şey o qədər də pis olmur. Münasibətlərdə daha dərin bağların qurulma şansı ola bilər. Təbii ki, bu, birgə əmək və səy tələb edir.

Venera ulduz nöqtələri bu planetlə Günəşin səmada beşguşəli ulduz əmələ gətirməsidir. Bu zaman emosiyalarımızı və istəklərimizi qaldıran, bizi başqaları ilə daha məhsuldar, lakin dəstəkləyici əlaqələr qurmağa təşviq edən mistik enerji yaranır. 2022-ci ilin ilk Venera ulduz nöqtəsi 8 yanvarda Oğlaq bürcündə Venera retroqradı zamanı baş verəcək. Bu, romantik anlar və ya meditasiya kimi özünəqulluq fəaliyyəti üçün  əla vaxtdır. 2022-ci ildə ikinci Venera ulduz nöqtəsi 22 oktyabrda, Tərəzi bürcündə baş verəcək. Həmin zaman işləri sürətləndirmək və ya münasibətlərdə tələsik davranmaq istəyə bilərik.

Həssas Venera ilə hərəkəti sevən Mars 2022-ci ildə iki dəfə görüşəcək. Yerə ən yaxın olan iki planet bir bürcdə birləşəndə ​​romantika və maliyyə məsələləri sürətlənir. Ortaqlıqları inkişaf etdirmək, romantik şam yeməyinə çıxmaq, dostlarla ünsiyyət qurmaq kimi arzular güclənəcək.  Bundan əlavə, özümüzə inamımız xeyli artacaq. 

Görüşlərdən ilki 12 fevralda Oğlaq bürcündə baş verəcək. Bu birləşmədə Mars Oğlaq bürcündə yüksəldiyi üçün daha güclü olacaq. Tərəfdaşlığın gələcəyi və maliyyə planlaşdırması ilə bağlı qərarlar qəbul etmək istəyəcəyik: Gələcəkdə özümüzü harada görürük? Yanında olduğumuz insan doğru insandırmı? - bütün bu suallara həmin həlledici dönəmdə cavab tapacağıq. 

Martın 12-də Dolça bürcündə Venera və Marsın ikinci birləşməsi baş verəcək. Bu dəfə özümüzü axışa buraxacağıq. Həm maliyyə, həm də münasibətlərlə bağlı qərarlar veriləcək, addımlar atılacaq. Buna görə də bu birləşmə sakit qalacağımız və əldə etdiklərimizə görə şükranlıq etdiyimiz vaxt olacaq.

2022-ci ildə bizi dörd Merkuri retroqradı gözləyir. Bu o deməkdir ki, ünsiyyət, səyahət problemləri və texnoloji nasazlıqlar həmişəkindən daha çox olacaq. Sizə deyilənlərə fikir verin ki, hislərinizi düzgün ifadə edə biləsiniz. Texnoloji cihazlarınızda da məlumatların ehtiyat nüsxəsini çıxartmağı unutmayın. 

 

14 yanvar - 3 fevral Dolça və Oğlaq bürcündə ilk retroqraddır. Bu planetar retroqrad Veneranın retroqradının ortasında başladığı üçün köhnələr geri qayıda, sevgi və ya pulla bağlı müvəqqəti narahatlıqlarımız ola bilər. 

Mayın 10-dan iyunun 3-dək Əkizlər və Buğa bürcündə ikinci retroqrad baş verəcək. Yeni düşüncələr və addımlar atmaqdan qorxacağımız üçün bu anda qalmaq çətin ola bilər. 

Üçüncü retroqrad isə Tərəzi bürcündə sentyabrın 9-dan oktyabrın 2-dək baş verəcək və  geriyə  - Qız bürcünə doğru hərəkət edəcək. Bununla da biz başqaları ilə ünsiyyətimizdə daha açıq və aydın olacağıq. 

Dördüncü və son retroqrad 29 dekabr - 18 yanvar 2023-cü il tarixləri arasında Oğlaq bürcündə baş verəcək. Etmək istədiyimiz şeylər üçün kifayət qədər vaxtımızın olmadığını düşünə bilərik. 

Xoşbəxt Yupiter və xəyalpərəst Neptun aprelin 12-də Balıq bürcündə görüşür. Bu sevgi üçün vacib bir gündür. Bununla da romantik baxışımız dəyişəcək və qəlbimizi qeyd-şərtsiz sevgiyə açacağıq.

Yupiter 2022-yə Balıqlar bürcündə başlayır. Daha sonra mayın 10-da Qoç bürcünə girəcək və oktyabrın 28-dək orada qalacaq. Bu tranzit bizi bir az eqoist edə bilər,  həm də hədəflərimizə çatmağa imkan verəcək. Oktyabrın 28-dən dekabrın 20-dək Yupiter yenidən Balıqlar bürcünə daxil olur. Bu dövr mistisizm və mərhəmət gətirəcək. Daha sonra Yupiter 2023-cü il dekabrın 20-dən mayın 16-dək Qoç bürcünə geri qayıdır.

Ay düyünləri hər il yarımdan bir bürclərini dəyişir. Bu tutulmaları müəyyən etdiyi üçün bizə ötürülən enerjidə də rol oynayır. Hər bir düyün taleyimizdə olan təcrübələri və hissləri göstərir. Ay düyünləri 18 Yanvarda Buğa-Əqrəb oxuna doğru hərəkət edəcək və növbəti il ​​yarım ərzində bu iki bürcdə qalacaq. Bu, bizimlə başqaları arasındakı sərhədləri yıxmağa imkan verə bilər. Şimal düyünü Buğa bürcündə olacaq, həyatımıza nələri cəlb etdiyimizi göstərəcək. Bu, tərəfdaşlıq qurmaq üçün doğru zaman ola bilər. Bundan əlavə, bu dövr yaradıcılığınızı artıracaq. Keçmişə fikir verməyin və indiki zamanla yaşayın. Cənub düyünü Əqrəb bürcünə keçəcək. Bu, əldə etmək istədiyimiz məsələlərdə bir az daha taktiki irəliləyişlərə ehtiyacımızı artıra bilər. 

İnqilabçı planet Uran və Şimal qovşağı iyulun 31-də birləşir. Bu, iqtisadiyyatı, siyasəti, qida mənbəyimizi və ətraf mühiti kökündən dəyişə bilər. Həm də bu dövrlər dünyanın gələcəyə doğru getdiyi dövrlərdir.

2022-ci ildə dörd tutulma olacaq. Tutulmalar zamanın göstəriciləridir, çünki hadisələri  gün üzünə çıxarır və əvvəllər görmədiyimiz şeylərə işıq salır. Tutulma baş verdikdən sonra dərhal hərəkətə keçmək, onları mühüm hadisələrin qəhrəmanlarına çevirmək lazımdır. Aprelin 30-da Buğa bürcündə Günəş tutulması baş verir. Bu tutulma əlaqələrimizi yaxşılaşdırmaq, istədiyimiz həyat və yeniliklər qurmaq qabiliyyətimizi dəstəkləyir. Mayın 16-da Əqrəb bürcündə Ay tutulması bəzi yanlış ünsiyyətlərə səbəb ola bilər, ona görə də hisslərimizi açıq və aydın şəkildə göstərməyimiz çox vacibdir. Oktyabrın 25-i Əqrəb bürcündə günəş tutulmasını gətirəcək, bizi dəyişməyə və təkamül etməyə təşviq edəcək. Bu, gözlədiyimiz böyümə anıdır. Noyabrın 8-də Buğa bürcündə baş verəcək Ay tutulması isə eqolarımızı bir kənara qoyub nəticədən asılı olmayaraq özümüzü sevdiyimiz hər şeyə həsr etməyə sövq edir.

Marsın retroqradı iki ildən bir baş verir. Bu planet bizim impulslarımızı, enerjimizi, ehtiraslarımızı və özümüzü müdafiə tərzimizi təmsil edir. Geriyə dönərkən onun vibrasiyası bizi yorur və normaldan daha passiv edir. Retroqrad 30 oktyabrda Əkizlər bürcündə başlayır və 12 yanvar 2023-cü ildə başa çatır. Marsın geriləməsi Əkizlər bürcündə olduğu üçün sözlərimizi düzgün işlədə bilməyə və məsələlərdə daha az həssas olmağa üstünlük verə bilərik. Narahatlıqlar artacaq və azalacaq, lakin nəyi həll edəcəyimizi və həyata keçirdiyimiz layihələri ağıllı seçsək, inkişaf edə bilərik.