17 yaşlı bu qız Marsa ayaq basan ilk insan olmağa hazırlaşır - FOTOLAR
Texnologiya
13:51 / 10.07.2018
3947
NASA 17 yaşlı Alisa Karsonu 2033-cü ildə həyata keçiriləcək layihə çərçivəsində Marsa ayaq basan ilk insan olması üçün yetişdirir.
Sfera.az xəbər verir ki, NASA-nın astronavt proqramına seçilib ən gənc yaşda məzun kimi tarixə düşən Alisa Karson Marsa ayaq qoyan ilk insan olacaq.
NASA-nın Luizianadakı astronavt təlimi mərkəzində Marsa getmək üçün təlim keçən Karson eyni zamanda "Advanced Possum Academy”dən məzun olan ən gənc yaşda adamdır. Karson 3 yaşında baxdığı "Backyardigans” proqramından çox təsirləndiyini, Marsa getməyin uşaqlıq xəyalı olduğunu bildirib.
"Hər zaman xəyallarınızın ardınca gedin və kimsənin onları sizdən almasına icazə verməyin. Bütün astronavtlar, xüsusilə qadın astronavtlar mənə gedəcəyim yolu göstərdi” – Alisa Karson belə deyib.
Alisanın atası Bert Karson qızını NASA kosmik düşərgəsinə qeydə saldıqdan sonra qız NASA-nın Laval, Kvebek və İzmirdə yerləşən kosmik düşərgələrində olub.
Astronavtlıq təlimi ilə yanaşı ispan və fransız dillərini öyrənən Karson Mars missiyasına qədər Beynəlxalq Kosmos Universitetində təlim keçəcək.
Alisa Karsonun 2033-cü ildə iştirak edəcəyi Mars layihəsində "Qırmızı planet”də koloniya yaradılması planlaşdırılır.
Rəsul
Sfera.az