Votsap kriptovalyuta köçürmələrinə icazə verəcək
22:00 / 10.12.2021
1161
Votsap tətbiq daxilində kriptovalyuta köçürmələrinə icazə verəcək.
Sfera.az xəbər verir ki, tətbiq ilk olaraq ABŞ-da istifadə olunacaq.
Hazırda məhdud sayda istifadəçiyə xidmət göstərən tətbiqlə kriptovalyuta köçürmələri anında və pulsuz həyata keçirilə bilər.
Kriptovalyuta köçürmələri "Meta”nın ana şirkəti olan Feysbuk və Votsapın rəqəmsal pul kisəsi tərtibatçısı "Novi” tərəfindən həyata keçirilir.
Votsapın rəhbəri Vill Katkart bildirib ki, "Novi” insanlara kriptovalyutaları anında, təhlükəsiz və pulsuz köçürməyə kömək edəcək.
Tətbiq daxilində kriptovalyuta köçürmələri ABŞ dollarına bağlanmış kriptovalyuta olan "Pax Dollars” ilə həyata keçiriləcək.
"Novi” saytında verilən məlumata görə, köçürmə funksiyası fotoşəkillər, xəritələr və sənədlərin göndərilməsi kimi işləyəcək.
(Qafqazinfo)
