Venesuelada keçirilən beynəlxalq sammitdə Azərbaycanı Mahir Qurbanov təmsil edir
10:59 / 12.04.2022
1462
11, 12 və 13 aprel tarixlərində Venesuelanın paytaxtı Karakas şəhərində keçirilən beynəlxalq sammitdə Azərbaycanı bu dəfə də Qafqaz - İberoamerika Düşüncə Mərkəzinin sədri Mahir Qurbanov təmsil edir.
Sammit zamanı, xüsusilə, faşizmə qarşı həyata keçirilən beynəlxalq tədbirlər, konfranslar, hərəkatlar, o cümlədən Venesuela və dost xalqlar arasında inkişaf edən kommunikasiya, yeni texnologiyalar, xalqlar arasında dostluq və həmrəylik, müxtəlif sahələrdə əməkdaşlıq və gələcək perspektivlər ətrafında fikir mübadiləsi aparılacaq.
Sammitdən dərhal sonra bir neçə gün ərzində nümayəndələr arasında ikitərəfli görüşlər keçiriləcək.
Qeyd edək ki, Venesuelada keçirilən bu tədbirə müxtəlif ölkələrdən 200 yaxın nümayəndə qatılıb.