Ukraynada azərbaycanlı ailənin 3 üzvünün öldürüldüyü hadisə yerindən - ANBAAN VİDEO
![Ukraynada azərbaycanlı ailənin 3 üzvünün öldürüldüyü hadisə yerindən - ANBAAN VİDEO](http://old.sfera.az/file/pic/xeber/2022-02/1645862343_1645861691_aile-ukraine.jpg)
11:58 / 26.02.2022
1238
Ukraynanın Xerson şəhərində yaşayan azərbaycanlı ailə faciə ilə üzləşib.
Sfera.az xəbər verir ki, hadisə yerindən dəhşətli görüntülər baku.ws-in "qaynar xətt"inə daxil olub. Videoda aviazərbələrə məruz qalmış Natalya Fərzəliyevanın idarə etdiyi avtomobil görünür. Ürəyi zəif insanların videoya baxmamağı məsləhət görülür.
Xatırladaq ki, əslən Cəbrayıl rayonunun Balyand kəndindən olan Qoşqar Fərzəliyevin həyat yoldaşı və iki övladı Xerson şəhərinə endirilən aviazərbələr nəticəsində dünyasını dəyişib.
Qoşqar Fərzəliyevin yaxınları bildiriblər ki, onun qızı Sabina və oğlu Zaur hadisədən əvvəl şəhərin yaxınlığında olublar. Natalya Fərzəliyeva övladlarını götürmək üçün maşınla ora yollanıb. Bir qədər yol getdikdən sonra onların olduğu avtomobil aviazərbəyə məruz qalıb.
Hadisə zamanı Qoşqar Fərzəliyevin həyat yoldaşı Natalya Fərzəliyeva və övladları həlak olub.
Q.Fərzəliyev həmin vaxt orada olmayıb.
Qeyd edək ki, Sabina Fərzəliyeva ötən il universiteti bitirib, qardaşı Zaur isə tələbə idi. Onlar Ukrayna vətəndaşları olublar.