Türkmənistanda martın 26-da başlayan və indiyə qədər görünməmiş miqyasda hərbi təlimlər davam edir. 

Oxu.Az xəbər verir ki, təlimlərdə hərbçilərlə bərabər, DİN qoşunları da iştirak edir. 

Marşın gedişatında texnika müxtəlif, o cümlədən də su maneələrini aşır. Hərəkət yolunda maddi-texniki təminat məntəqələri, səyyar mətbəxlər yaradılıb.

"Falko” pilotsuz uçan aparatın yardımı ilə qoşunların poliqonlara hərəkət etdiyi yolun və şərti rəqibin mövqeyinin topoqrafik kəşfiyyatı aparılıb. 

Təlimlərdə Çinin FD2000 zenit-raket kompleksi (HQ-9-un ixrac variantı) də gözə çarpıb, onun mümkün tədarükünə dair şayiələr keçən ilin əvvəlində yayılmışdı.