Lakin qeyd edək ki, məlumat rəsmi olaraq bu gün çap olunduğundan qanun bu gündən qüvvəyə minib.

Qeyd edək ki, Milli Məclis tərəfindən ötən ilin oktyarın 20-də Miqrasiya Məcəlləsinə edilən dəyişikliyə görə, 38.3-cü maddəsinin ikinci cümləsində "10 gün" sözləri "5 iş günü" sözləri ilə əvəz edilib.

Xatırladaq ki, daha əvvəllər həmin maddədə qeyd edilirdi ki, elektron vizanın alınması üçün Azərbaycan Respublikasında akkreditasiyadan keçmiş turizm şirkəti müvafiq icra hakimiyyəti orqanının internet informasiya ehtiyatında yerləşdirilmiş elektron ərizə-anketi dolduraraq, şəxsin pasportunun, fotoşəklinin və səfərin turizm məqsədi ilə həyata keçirildiyini təsdiq edən sənədlərin (turizm vauçeri və ya turizm yollayışı, sərnişin bileti və mehmanxanada, kempinqdə, turist bazasında və ya digər bu kimi obyektlərdə yer sifariş edilməsini təsdiqləyən sənəd) skan olunmuş surətlərini əlavə edir. Sənədlər daxil olduqdan sonra onlara bu Məcəllənin 37-ci maddəsi ilə müəyyən edilmiş qaydada ən geci 10 gün keçənədək baxılır və viza rəsmiləşdirilərək, elektron qaydada müraciət edən turizm şirkətinin elektron poçt ünvanına göndərilir. Viza verilməsindən imtina edildikdə, bu barədə əsaslandırılmış məlumat verilir.

Beləliklə, yuxarıda göstərilən qaydada elektron vizanın alınması üçün edilən müraciətə bundan sonra 10 gün ərzində deyil, ən geci 5 iş günü ərzində cavab veriləcək.  

Milli.Az AZƏRTAC-a istinadən xəbər verir ki, bu gün isə dövlət başçısı həmin Qanunun tətbiqi barədə sərəncam imzalayıb, bununla bağlı Nazirlər Kabineti qarşısında müvafiq tapşırıqlar qoyulub.