Sfera.az xəbər verir ki, paytaxtın Parlament meydanında yığışan etirazçılar 6 metr hündürlükdə, Trampın "Twitter”dən istifadəsinə parodiya kimi əlində mobil telefon tutan, pampersli "Körpə Tramp” şarını havaya qaldırıblar.

London meri Sadıq Xan keçən həftə "Körpə Tramp” şarının parlament üzərində süzməsinə icazə vermişdi. 

"Bələdiyyə sədri sülhməramlı etiraz haqqını dəstəkləyir və bunun fərqli formalarda edilə biləcəyini başa düşür” – Xanın mətbuat üzrə nümayəndəsi belə deyib.

ABŞ prezident Donald Tramp şarın varlığından xəbərdar olduğunu bildirərək, İngiltərənin "Sun” qəzetinə bu sözləri demişdi:

"Mənə arzuolunmaz şəxs olduğumu hiss etdirmək üçün belə şeylər edirlərsə, zənn edirəm Londona getmək üçün bir səbəb yoxdur. Londonu şəhər kimi çox sevirdim. Xeyli vaxtdır Londonda olmamışdım. Amma mənə arzuolunmaz şəxs olduğumu hiss etdirmək istəyirlərsə, niyə orada qalım ki?”