Sofiya ilə baş nazirin görüşü baş tutmadı - Aeroportda gözlənilməz itki
Texnologiya
18:30 / 02.07.2018
3973
"İnsana ən çox oxşayan” robot kimi tanınan Sofiya 3 günlük səfərlə Efiopiyaya gedərkən Frankfurt aeroportunda bəzi hissələrinin itməsi üzündən Efiopiya baş naziri Abiy Əhməd ilə axşam yeməyində iştirak edə bilməyib.
Sfera.az xarici mətbuata istinadən xəbər verir ki, Sofiyanın Beynəlxalq Muzeydə verəcəyi konfrans da ləğv olunub. Robot bu konfransda Efiopiyanın rəsmi dili amhar dilində danışacaqdı.
Robotun hissələrinin olduğu çamadanın itməsinə rəğmən robotun paytaxt Əddis-Əbəbəyə gəldiyi və Beynəlxalq MCİT Forumunda iştirakı planlaşdırılır.
İnsanabənzər robotlar Honq-Konqun "Hanson Robotics” şirkəti tərəfindən 3 il əvvəl hazırlanmış və keçən ilə Səudiyyə Ərəbistanı vətəndaşlığı alan Sofiya bir müddətdir müxtəlif ölkələrdə konfranslar verir.
Süni intellekt tədqiqatlarının son məhsulu olan Sofiya apreldə Misirdə keçirilən konfransda suallara cavab vermiş və "Mənim lüğətimdə müharibəyə yer yoxdur”, - demişdi.
Mərhum Hollivud ulduzu Odri Hepbernə oxşadılaraq hazırlanan robot ingilis dilindən başqa yalnız amhar dilində danışa bilir.
Rəsul
Sfera.az