Sfera.az bildirir ki, bunu şairə Nazilə Səfərli müğənninin verilişlərə çıxmaq üçün qonorar tələb etməsindən danışarkən deyib. O, Xatirə İslama dəstək olduğunu qeyd edib:

"Ona görə yox ki, vaxtında efir məkanına pul xərcləyib, indi onu geri almalıdır. Xeyr! Əgər bir sənətçi televiziyanı qazandırırsa, televiziya da onu qazandırmalıdır – bu bir həqiqətdir və dünyada belədir. Sadəcə Qafqazda niyə bunu etmirlər? Axı Azərbaycan sənətkarlarla dolu ölkədir.  Görünür, biz televiziyalara bolluq sərgiləmişik, ona görə də, rəhbərləri düşünür ki, olmasın o, olsun başqası... Biz demirik ki, toya yarım saatı 5 min manata gedən insana efir üçün 5 min də verilsin. Amma 100 manat versəniz, bu halallıq olar”.

N.Səfərli televiziya rəhbərlərinə də müraciət edib:

"Siz o pulları balalarınıza yedizdirirsiniz, evinizə aparırsınız. Əksər televiziya rəhbərlərinin də hamısının villası, şəraiti, arvadlarının sürücüləri var – bunu siz artistlərin sayəsində etmisiniz də. Efirə çıxan 2, 3 minlik kostyum geyinməlidir. Bunları sizə ediriksə, əvəzində təşəkkür etməlisiniz. 15 saniyəlik reklam efirdə 1 500, 30 saniyəlik reklam 2 000 manatdırsa, verilməlidir".