Türkiyədə yaşayan iranlı iş adamı Rza Zərrabın 19 martda Mayamiyə yola düşdüyü və nazarət altına alındığı təyyarədə dünyaca məşhur model də olub.

Oxu.Az Türkiyə KİV-nə istinadla xəbər verir ki, həmin ərəfədə Türkiyədə bir reklam razılaşması imzalayan dünya şöhrətli model Adriana Limanın Zərrab ailəsindən arxadakı sırada əyləşdiyi ortaya çıxıb.

Rza Zərrab, həyat yoldaşı türkiyəli müğənni Ebru Gündeş, qızları Alara, iki dayə və iki cangüdən də daxil olmaqla yeddi nəfər ilə birlikdə İstanbuldan Mayamiyə səfər ediblər.

Əldə edilən məlumata görə, Zərrab Mayamidə təyyarənin nərdivanlarından enərkən nəzarətə götürülüb.