Sfera.az bildirir ki, bunu tanınmış model, aktyor Rüstəm Cəbrayılov deyib. Onun sözlərinə görə, dekabr ayından bu yana, demək olar ki, ölkədə nə kino çəkilir, nə də reklam:

"Ondan əvvəl də vəziyyət ürəkaçan deyildi. Nə edək, biz də indi aylıq maaşı olan bir iş tapıb 16 il çəkdiyimiz əziyyətin bəhrəsini görmədən bu sahənin səhifəsini bağlayaq? Mədəniyyət nazirliyinə də yazmışam, kiçik bir qığılcım belə yoxdu. Teatra işə girmək çox çətindir. Bacarmırsınız, çəkilin qırağa ya da bacaranlara şərait yaradın bir iş görək, ömürdən gedir axı. Bu qədər lağlağa olar?”.

Model ömrünü bu sahəyə adadığını, amma digər ölkələrdən fərqli olaraq, Azərbaycanda vəziyyətin hələ də düzəlmədiyini əlavə edib:

"İndi 35 yaşım var, maraqlıdır, hansı dövlət qurumu məni işə qəbul edər? Onu bilirəm ki, nifrətim hər keçən gün güclənir. "Vətənə niyə qayıtdın?” deyənlərə isə - şəxsi məsələ idi, məcbur olduğuma görə qayıtdım”.